Details

មនុស្សគ្រប់រូបត្រូវកំណត់ឲ្យមានពេលវេលាត្រឹមតែ ២៤ ម៉ោង ឬត្រឹមតែ ១៤៤០ នាទី ឬក៏ត្រឹមតែ ៨៦ ៤០០ វិនាទីប៉ុណ្ណោះ ក្នុងមួយថ្ងៃ។ អ្នកខ្លះប្រើពេលវេលារបស់ខ្លួនយ៉ាងឆ្លាតវៃធ្វើឲ្យទទួលជោគជ័យយ៉ាងច្រើន។ គោលបំណងសៀវភៅមួយនេះ ដើម្បីជួយឲ្យអ្នកអាចប្រឈមទៅនឹងស្ថានការណ៍ផ្សេងៗបានយ៉ាងមានប្រសិទ្ធភាពខ្ពស់ និងទទួលជ័យជម្នះលើឧបសគ្គ ទាំងពួង ហើយថែមទាំងជួយអ្នកចៀសវាងស្ថានការណ៍មួយនេះ ដែលអាចកើតឡើងបានក្នុងថ្ងៃអនាគត។ ស្ថានការណ៍ដែលបានពោលខាងលើក្នុងសៀវភៅនេះ ជាស្ថានការណ៍ទូទៅដែលជាផ្នែកមួយក្នុងជីវិតការងាររបស់អ្នក។ មានរបាយការណ៍ស្រាវជ្រាវថា រៀងរាល់ថ្ងៃនេះ យើងចំណាយពេលជាង ៣០-៤០% ជាមួយស្ថានការណ៍ពន្យាពេលរបស់យើង និងទំនាក់ទំនងដែលគ្មានច្បាប់ទម្លាប់។ សៀវភៅមួយក្បលនេះនឹងជួយអ្នកគ្រប់គ្រងពេលវេលាឲ្យមានប្រសិទ្ធភាពជាងមុន មិនថាការងារនៅកន្លែងធ្វើការ ឬនៅផ្ទះ ថែមទាំងមានស្ថានការណ៍ផ្សេងៗដែលអ្នកតែងភ្លេច និងខាតបង់ពេលវាលាជាមួយនឹង ស្ថានការណ៍ទាំងនោះដោយមិនបានតាំងចិត្ត។ សៀវភៅមួយក្បាលនេះ មិនត្រឹមតែជួយឲ្យអ្នកដឹងពីស្ថានការណ៍ផ្សេងៗតែប៉ុណ្ណោះទេ តែថែមទាំងមានការណែនាំឲ្យអ្នក ដោះស្រាយបញ្ហាដែលកើតឡើងថែមទៀតផង។ ស្ថានការណ៍ទាំងនេះមិនត្រឹមតែធ្វើឲ្យអ្នកខាតបង់ពេលវេលាប៉ុណ្ណោះទេ តែក៏ថែមទាំងធ្វើឲ្យអ្នកខាតបង់ទាំងពលកម្មការងារយ៉ាងជាក់ស្តែងផងដែរ។ អ្នកគួរចាំទុកថា "ភាពឆ្លាតវៃមិនទាន់គ្រប់គ្រាន់ ដើម្បីជោគជ័យទេ អ្នកត្រូវមានថាមពលបន្ថែមទៀត នោះគឺអ្នកជំរុញ"។ អ្នកនឹងបានរៀនសូត្រពីវិធីភាគប្រើពេលវេលារបស់អ្នក ដោយធ្វើការពិសោធ ការប្រើពេលវាលារបស់អ្នក ថាតើក្នុងមួយ ថ្ងៃៗអ្នកចំណាយពេលវេលាជាមួយនឹងអ្វីច្រើនបំផុត និងរឿងទាំងនោះមានប្រយោជន៍តិចឬច្រើនកម្រិតណាចំពោះអ្នក។ អ្នកនឹងដឹងគ្រប់ពេលថាអ្នកប្រើពេល​វេលាមានប្រសិទ្ធភាពឬទេ និងប្រើយ៉ាងដូចម្តេច។ ចាប់ផ្តើមសិក្សាស្ថានការណ៍ផ្សេងៗដែលធ្វើឲ្យអ្នកខាតពេលវេលាតែម្តងដើម្បីកុំឲ្យខាតពេលវេលា។